30 ნოემბერს ახალციხეში სხვადასხვა პროფესიის ადამიანებმა, მათ შორის პედაგოგებმა, ადვოკატებმა, მსახიობებმა, ჟურნალისტებმა, სამოქალაქო აქტივისტებმა და ოპოზიციური პარტიების წარმომადგენლებმა, ევროკავშირთან მოლაპარაკებების შეჩერების გადაწყვეტილება გააპროტესტეს. აქციის მონაწილეებმა ასევე დაგმეს პოლიციის ძალადობა მშვიდობიან მოქალაქეებსა და ჟურნალისტებზე. ამის შესხაბე წერს რეგიონალური პორტალი sknews.ge
მოქალაქეების პროტესტი თბილისსა და რეგიონებში, პრემიერ-მინისტრის ირაკლი კობახიძის განცხადებას მოჰყვა, როცა გაირკვა, რომ “ქართული ოცნება” ევროკავშირთან მოლაპარაკებების განახლებას 2028 წლის ბოლომდე არ გეგმავს.
უკვე მესამე დღეა თბილისში მასშტაბური საპროტესტო აქცია იმართება და ორი ღამის განმავლობაში სპეცრაზმი ძალადობრივად დაშალა აქცია. 150 ადამიანი დააკავეს, სულ მცირე 40 ადამიანი დაშავდა. აქციები ზოგიერთ რაიონშიც მიმდინარეობს, მაგრამ არც ისე ხალხმრავალი. ახალციხეში მეორე დღეა სპონტანური აქცია გაიმართა.
