როგორც Jnews-ს შემოსავლების სამსახურის სასაზღვრო დეპარტამენტიდან აცნობეს, საქართველო-თურქეთის საზღვარზე შეზღუდვები აღარ მოქმედებს. ტექნიკური პრობლემების გამო საქართველო-თურქეთის საზღვარზე სამივე საგუშაგოზე რამდენიმე დღეა შეზღუდვებია დაწესებული.
აქამდე Jnews-მა გაცნობათ, რომ ქართულ-თურქული საგუშაგოები “კარწახი”, “სარფი” და “ვალე” შეფერხებით მუშაობენ.
საპატრულო პოლიცია იუწყება, რომ შეზღუდვები მხოლოდ თურქეთიდან სატვირთო მანქანებს ეხებოდა, თუმცა ამ დროისთვის შეზღუდვები აღარ არის.
ვინაიდან სატვირთო მანქანების შემთხვევაზე პასუხისმგებელია შემოსავლების სამსახური, მათ მივმართეთ.
გვითხრეს შემდეგი: „დიახ, სატვირთო მანქანების შემთხვევაში შეზღუდვა არ ვრცელდებოდა დალუქული ტვირთის გადამზიდავ მანქანებზე, მსუბუქ ავტომობილებზე და სამგზავრო ტაქსებზე. ახლა პრობლემა აღარ არის და ყველაფერი ღიაა“.
მიუხედავად იმისა, რომ სასაზღვრო გამშვები პუნქტი უკვე ნორმალურ რეჟიმში მუშაობს და დილიდან უკვე 30-მდე სატვირთო მანქანამ გადმოკვეთა საზღვარი, მიუხედავად ამისა, ახალქალაქის მუნიციპალიტეტის სოფელ ჩამდურას დასაწყისიდან ქართულ-თურქულ გამშვები პუნქტის ,,კარწახის“ მიმართულებით დაახლოებით 600 სატვირთო მანქანა დგას.
Jnews-თან საუბარში ადგილობრივებმა აღნიშნეს, რომ რიგის დაცარიელებას დაახლოებით ერთი კვირა დასჭირდება.
ახალქალაქი-კარწახის საავტომობილო გზა გაუვალი გახდა, მის გასწვრივ მოძრაობა სახიფათოა, განსაკუთრებით დილით, როცა ნისლია.
სატვირთო მანქანების დაგროვების პარალელურად, ამ გზის მთელ სიგრძეზე ნაგავი გაჩნდა.
ჩვენი სანდო წყაროების ცნობით, თურქეთის სასაზღვრო პუნქტს წინასწარ არ აცნობეს, რომ სასაზღვრო პუნქტში სატვირთო მანქანების შესვლის კომპიუტერულ პროგრამაში ცვლილებები განხორციელდება.
