10 ნოემბერს, თბილისის ცენტრში, წმინდა გევორგის ეკლესიის ეზოში, ტრადიციული ფესტივალი „ტოლმა-2024“ გაიმართა, სადაც ახლად მომზადებული ტოლმას სურნელმა ადგილობრივი მოსახლეობა და ქალაქის სტუმრებს კულტურის, ტრადიციებისა და კულინარიის დღის აღსანიშნავად ეპატიჟებოდა, ხოლო კერძებს თან ახლდა ვანაძორის ცეკვისა და სიმღერის სახელმწიფო ანსამბლის „ოროველის“ სადღესასწაულო კონცერტი (სამხატვრო ხელმძღვანელი არმენ ნერსისიანი). როგორც ყოველთვის, ამჯერადაც ფესტივალმა ხალისიან და თბილ ატმოსფეროში ჩაიარა.
„ვაი მას, ვინც არ ჭამს”, – ასე აღწერდნენ სტუმრები თავიანთ კმაყოფილებას.
ფესტივალზე დამსწრეებმა ბოსტნეულისგან დამზადებული კერძების მდიდარი არომატი, ასევე ყურძნისა და კომბოსტოს ფოთლებში დელიკატურად გახვეული ხორცის, ბრინჯის და არომატული სანელებლების გემრიელი შიგთავსრბი დააგემოვნეს. ფესტივალმა წარმოაჩინა სომხური სამზარეულოს მრავალფეროვნება, რომლის რეცეპტებსაც იზიარებდნენ მოყვარულები და პროფესიონალი შეფ-მზარეულები, რომელთაგან თითოეულმა დღესასწაულს თავისი უნიკალური კოლორიტი შემატა.
დღესასწაულს თან ახლდა მხიარული სომხური ხალხური სიმღერა და ცეკვა.
ფესტივალი საქართველოს სომეხთა ეპარქიის სულიერი წინამძღვრის, უწმინდესობის ეპისკოპოს ტერ კირაკოს დავთიანის ლოცვა-კურთხევით და საქართველოს სომეხ ქალთა კავშირის „შუშანიკის“ მხარდაჭერით გაიმართა, რომელმაც სომხეთიდან ადგილობრივი და ინდივიდუალური მზარეულები მოიწვია მათი ტოლმებით, რათა “ტოლმა-2024” ფესტივალში სომეხი ხალხის ერთიანობის ნიშნად მიეღოთ მონაწილეობა.
ტოლმას ფესტივალი წმინდა გევორგის ეკლესიაში არის ერთიანობის, კულტურისა და საკვების სიყვარულის დღესასწაული, რომელიც ხალხის გაერთიანების საშუალებას წარმოადგენს. მონაწილეებს ამ დღის თბილი და ხალისიანი მოგონებები და სომხური სამზარეულოს მდიდარი ტრადიციების ახლებური გააზრება ჰქონდათ.
ფესტივალი თანმიმდევრულ ხასიათს ატარებს და ყოველწლიურად თბილისის სომეხთა სათვისტომოს მიერ იმართება.
