17 აპრილს, ახალქალაქში, ისევე, როგორც სხვა სომხურ ეკლესიებში, სომხური სამოციქულო ეკლესიის მრევლმა წმინდა აღდგომა აღნიშნა. ეს დღესასწაული სომხური სამოციქულო ეკლესიის ხუთ დღესასწაულს შორის ერთ-ერთი მთავარია.
ჩვენი ღვთის, იესო ქრისტეს აღდგომის დღესასწაულს “აღდგომა” ჰქვია, სომხური სიტყვა «ზატიკ» (აღდგომა), სავარაუდოდ, სიტყვა “აზატუთიუნ“, “აზატველ” (თავისუფლება, გათავისუფლება) სიტყვიდან მოდის და ტანჯვისგან, ბოროტებისა და სიკვდილისგან გათავისუფლებას ნიშნავს. მისი მნიშვნელობა სიკვდილიდან ახალ ცხოვრებამდე, მიწიდან ზეცისკენ გადასვლას ნიშნავს.
აღდგომის საღვთო-სადღესასწაულო ლიტურგია ახალქალაქის “სურბ ხაჩ” ეკლესიაში ტერ ნშან ჰმაიაკიანმა ჩაატარა.
ჯავახეთში აღდგომა ყველაზე საყვარელ საეკლესიო დღესასწაულებს შორისაა.
აღდგომის წირვას ესწრებოდნენ პარლამენტარი სამველ მანუკიანი, ახალქალაქის მერი მელქონ მაკარონი, საკრებულოს თავმჯდომარე ნაირი ირიციანი და ადგილობრივი თვითმმართველობის ორგანოებისა და სხვა სახელმწიფო დაწესებულებების თანამშრომლები.
წმინდა აღდგომის სადღესასწაულო სუფრის აუცილებელი ატრიბუტია შეღებილი კვერცხი, მწვანილი, ბრინჯის ფლავი ქიშმიშით, თევზი და ღვინო. კვერცხი აღდგომისა და ახალი ცხოვრების დაბადების სიმბოლოა, ხოლო წითელი ფერი ჯვარცმული ქრისტეს სისხლს განასახიერებს.
აღდგომის მეორე დღეს გარდაცვლილებს მოიხსენიებენ.
