შსს-ს ცნობით, 10 აგვისტოს, საღამოს, აშოტ საარიანი ახალქალაქის ცენტრში ადმინისტრაციული სამართალდარღვევის გამო დააკავეს, მან პოლიციის ოპერატიულ-სამძებრო მოქმედებებს ხელი შეუშალა.
Jnews-ის არაოფიციალური ინფორმაციით, ეჭვმიტანილების დასაკავებლად, ქალაქის ცენტრში პოლიციამ ოპერატიულ-საგამოძიებო ღონისძიებები ჩაატარა. აშოტ საარიანმა, რომელიც არცერთ საქმეში არ ფიგურირდება, შსს-ს ინფორმაციით, ხელი შეუშალა ამ ღონისძიებებს, არ გაითვალისწინა პოლიციელების გაფრთხილებები, რომ არ ჩარეულიყო პროცესში. ის ადმინისტრაციულ სამართალდარღვევათა კოდექსის 173-ე მუხლით დააკავეს, რაც გულისხმობს „სამართალდამცავი თანამშრომლის ბრძანების ან მოთხოვნის დაუმორჩილებლობას ან მის მიმართ სხვა უკანონო ქმედებას სამსახურებრივი მოვალეობის შესრულებისას“. ამ მუხლით გათვალისწინებული სასჯელი არის ადმინისტრაციული ჯარიმა 2000-დან 3000 ლარამდე ან ადმინისტრაციული პატიმრობა 15 დღემდე.
ჩხუბი ახალქალაქში საკრებულოს ყოფილი დეპუტატისა და პოლიციელების მონაწილეობით
