ახალქალაქის რაიონში აქტიურად დაიწყო მოსავლის აღება, გამონაკლისი, არც სოფელი გომანია.
გომანი ახალქალაქიდან 14 კმ -ში, ზღვის დონიდან 1850 მ სიმაღლეზე მდებარეობს. რეგიონის სხვა სოფლების მსგავსად, კარტოფილის მოსავლის აღება გომანშიც დაიწყო. სოფლისკენ მიმავალ გზაზე, ორივე მხრიდან არის კარტოფილის თეთრი ტომრები, რომელიც სოფლის მოსახლეობას ძლივს მიაქვს სახლში, ზოგს მანქანით, ზოგს პირუტყვის დახმარებით.
სოფლის მცხოვრებთა ძირითადი საქმიანობა – მეცხოველეობა და სოფლის მეურნეობაა, ხოლო მამაკაცები ძირითადად სამუშაოდ საზღვარგარეთ მიდიან, მოსავლის აღების დროს, ზოგჯერ რთული საქმე ქალებისა და ბავშვების მხრებზე რჩება.
როგორც სოფლის მოსახლეობა ამბობს, შარშანდელთან შედარებით წლეულს, მათ სოფელში მოსავლიანობა დაბალია.
ცუდი ამინდის გამო,წლეულს მოსავლის აღება შედარებით გვიან დაიწყო. ხანგრძლივი წვიმების გამო, სოფლის მოსახლეობის მუშაობა მნიშვნელოვნად გართულდა. ნიადაგი ჯერ კიდევ სველია, მაგრამ სოფლის მოსახლეობა ვერ დაელოდება, იმის შიშით, რომ ამინდი შესაძლოა, მოულოდნელად კვლავ გაუარესდეს.
ზოგიერთი მცხოვრები ტექნიკის დახმარებით ცდილობს მიწიდან მოსავლის აღებას, ზოგიც ნიჩბით. ვერონ მარტიროსიანი 16 მეასედ კარტოფილს ამუშავებს, იკრიფება მიწიდან მანქანებით, აღნიშნავს, რომ ძნელია ტექნიკის შოვნა, რადგან მანქანა სოფელ ოლავერდშია გაყვანილი, ტექნიკა ერთია, ხოლო მოსავლის აღების მსურველი – ძალიან ბევრი.
”წვიმამ ჩვენი სამუშაოები უფრო გაართულა, მაგრამ გარდა ამისა, კარტოფილიც დააზიანა, რადგან ნესტის გამო, მოსავალმა ლპობა დაიწყო. ნიადაგი წინასწარ უნდა გავასუფთაოთ, რათა ტექნოლოგიის დახმარებით მიწიდან ამოვიღოთ. ვინაიდან მე მაქვს პატარა მიწის ნაკვეთი, მუშები არ არის საჭირო”, – ამბობს სოფელ გომანის მკვიდრი, ვერონ მარტიროსიანი.
სოფლის სხვა მცხოვრების თქმით, ისინი იმედოვნებენ, რომ წლეულს კარტოფილს უფრო მაღალ ფასად გაყიდიან, მაგრამ მათ სოფელში მოსავალი არადამაკმაყოფილებელია.
”შარშან, ზოგ სოფელში, მოსავლის გადაყრა მოუწიათ. კარტოფილის სიძვირის გამო კი, არა უბრალოდ, საერთოდ არ გაყიდულა. ახლა კი ფასი მაღალია, მაგრამ კარტოფილი არ არის”.
გომანში მოსავლის აღების პროცესი აქტიურად მიმდინარეობს. მათ ახლახან დაიწყეს მოსავლის მინდვრებიდან გაყიდვა.
ახალქალაქის რეგიონში კარტოფილის რეალიზაციის ფასი ყოველთვის პრობლემაა: როდესაც ბევრი კარტოფილია, ფასი დაბალია, ხოლო, როცა კარტოფილი არ არის, ფასი იზრდება.
სოფლის მოსახლეობის ერთ -ერთი მთავარი საარსებო საშუალება კარტოფილის მოყვანაა, რომელშიც მთელი ოჯახი მონაწილეობს. ეს მძიმე ფიზიკურ შრომას საჭიროებს.
ლიდა ალმასიანი
