საცალფეხო ხიდი, რომელიც ქალაქს ყოფილ სამხედრო ქალაქთან და ჯივანის მასივთან აკავშირებს, აგვისტოს დასაწყისიდან რეაბილიტაციის პროცესში გადაადგილებისთვის დაიკეტა. ამ დღეებში ხიდი უკვე გაიხსნება გადაადგილებისთვის, მაგრამ სამუშაოები ჯერ არ დასრულებულა.
ახალქალაქის საფეხმავლო ხიდი, რომელიც მთავარ ქალაქს მის სამხრეთ -დასავლეთ ნაწილთან აკავშირებს, თვენახევრის განმავლობაში რემონტის სტადიაში იყო. მოსახლეობის გასახარად, კომპანია შპს “გაბიონი 2000” -ის დირექტორის თქმით, ხიდი ფეხით მოსიარულეთათვის რამდენიმე დღეში გაიხსნება, მაგრამ სარეაბილიტაციო სამუშაოები სრულად ორ კვირაში დასრულდება.
დღედღეობით, ხიდის საფარის თითქმის ყველა რკინის ფირფიტა უკვე დამონტაჟებულია, დარჩენილია მხოლოდ 4 ფირფიტის დამონტაჟება. მომუშავეების თქმით, ისინი დღეს დაასრულებენ დამონტაჟებას და დაიწყებენ საფარის შეღებვას, ის ნაცრისფრად იქნება შეღებილი. მოაჯირის ბადეები ორივე მხრიდან ასევე შეღებილია, გაძლიერდა საძირკველი და საფარის ქვეშ დამონტაჟდა დამატებითი რკინის გამაგრებები. დარჩა საფარის შეღებვა, წყალმომარაგების შეღებვა, ასევე კიბის რეაბილიტაცია ხიდის ორივე მხარეს.
Jnews-ი იყო ხიდზე. ვიზუალურად ჩანს, თითქოს ხიდი გაფართოვდა და ოდნავ დაიწია. ხიდზე სიარულისას რკინის საფარი ირხევა, ჩვენს კითხვაზე საშიშია თუ არა, მშენებლებმა გვიპასუხეს, რომ ასეც უნდა იყოს და საშიში არაფერია. ფირფიტებს შორის არის ხარვეზები, როგორც მშენებლებმა განმარტეს, ესაც ნორმალურია, იმისათვის, რომ, როდესაც ამინდი შეიცვლება, გაფართოების ადგილი დარჩეს.
“ფეხით მოსიარულეთათვის ხიდი ამ დღეებში გაიხსნება, ალბათ ერთ კვირაში, როდესაც გადაადგილება უსაფრთხო იქნება, თუმცა ეს ჩვენს დანარჩენ სამუშაოს გაართულებს, მაგრამ ჩვენ მაინც გავხსნით, ვიცით, რომ მოსახლეობას ქალაქში მიმოსვლა უჭირს. ხიდი დაიწია, მაგრამ ძალიან უმნიშვნელოდ, სულ რაღაც 2 -3 სმ -ით ”, – ამბობს სამშენებლო კომპანიის დირექტორი ვახტანგ სურმანიძე.
მისი თქმით, პრობლემა ისაა, რომ წყლის მილს ვერ ღებავენ მუდმივი ტენიანობის გამო.
“წყალმომარაგების სისტემა მუდმივად სველია, ამ მდგომარეობაში შეუძლებელია მისი შეღებვა, საჭიროა წყლის გათიშვა დღე -ნახევარით, რომ მილები გაშრეს”, – ამბობს ვახტანგ სურმანიძე
მისი თქმით, ისინი დამატებით, საკუთარი სახსრებთ, რადგან ეს არ არის გათვალისწინებული პროექტის ფარგლებში, გააფართოვებენ გადსასვლელს შეზღუდული შესაძლებლობის მქონე პირებისათვის.
ახალქალაქის მერი იურიკ უნანიანი ამბობს, რომ ჯერჯერობით უცნობია როდის გაიხსნება ხიდი ოფიციალურად, მაგრამ არ გამორიცხავს მოსახლეობისთვის ხიდის გახსნის შესაძლებლობას სამუშაოების საბოლოო დასრულებამდე.
საცალფეხო ხიდის სიგრძეა 180 მ, ხიდი აშენდა 40 -იან წლებში, აშენებულია გერმანელი სამხედრო ტყვეების მიერ.
«გოროდოკის» და ჯივანის მასივის მოსხლება გახარებული იყო ხიდის შეკეთებით, მაგრამ ხიდის დახურვამ ფეხით მოსიარულეთა გადაადგილების პრობლემა გამოიწვია. ტრანსპორტი, რომელმაც მათთვის დაიწყო სიარული, 1 ლარი ღირს ერთი მიმართულებით. ბევრი ქალაქში ხეობის გავლით მიდიოდა.
